انور احمد خان مهر: مشھور سياستدان انور احمد خان ولد شاهنواز خان مهر 16 نومبر 1951ع تي ڳوٺ تماچاڻي، ضلعي سکر ۾ ڄائو. ايم. اي ۽ ايل ايل بي تائين تعليم حاصل ڪئي. علم ادب سان چاهه رکندڙ ۽ لطيفيات جو ڄاڻو هو. هن ڊاڪٽر نواز علي شوق جي ذاتي لائبرري خريد ڪري تماچاڻي اسڪول کي ڏني. 2002ع وارين عام چونڊن ۾ سنڌ اسيمبليءَ جو ميمبر چونڊيو ويو. ان کان اڳ 1979ع، 1983ع ۽ 1987ع ۾ ضلعي ڪائونسل جو ميمبر پڻ رهيو. 2006ع ۾ ٽيننسي ائڪٽ ۾ ترميمن جي سفارش لاءِ جوڙيل خاص ڪميٽيءَ جو ميمبر رهيو. 2008ع ۾ پ پ جي ٽڪيٽ تي شڪارپور جي تڪ پي ايس 2 مان چونڊ کٽي سنڌ اسيمبليءَ جو ميمبر بڻيو. پيپلز پارٽي سکر ڊويزن جو صدر به رهيو. 8 مئي 2022ع تي ڪراچيءَ جي هڪ نجي اسپتال ۾ وفات ڪئي. کيس تماچاڻي ءَ ۾ مٽيءَ ماءُ حوالي ڪيو ويو.
1951.11.16 عيسوي
-انور احمد خان مهر- ولد شاهنواز خان مهر 16 نومبر 1951ع ۾ ڳوٺ تماچاڻي ضلعي سکر ۾ ڄائو